ვარდის საოცარი თვისებები

ვარდის ზეთი ძალიან ძვირად ფასობს, რადგან ძნელად მოიპოვება - ერთი წვეთი ზეთის მისაღებად 30-მდე ყვავილის გვირგვინია საჭირო.

ვარდის ეთერზეთი მდიდარია B, C, E, K ვიტამინებით, ტანინებით, უჯერი ცხიმოვანი მჟავებით, ბუნებრივი მცენარეული ცხიმების საუცხოო კომპოზიციებით. ის 300-მდე კომპონენტს შეიცავს, რომელთაგან მხოლოდ 100-ის ქიმიური შემადგენლობაა განსაზღვრული.

ვარდი გამოიყენება👇:

• ნევროზის სამკურნალოდ;

• შრომისუნარიანობის ასამაღლებლად;

• უჯრედთა რეგენერაცია (განახლება)–გაახალგაზრდავებისთვის;

• ენდოკრინული (შინაგანი სეკრეციის) ჯირკვლების ფუნქციის ნორმალიზებისთვის;

• ორგანოებში მიმდინარე სკლეროზული პროცესების შესაფერხებლად, ჰორმონული ბალანსის მოსაწესრიგებლად;

• საჭმლის მომნელებელი ტრაქტის მუშაობის გასაუმჯობესებლად;

• ლორწოვანი გარსის შეხორცების დასაჩქარებლად;

• კუჭის ფერმენტული უკმარისობისა და დისბაქტერიოზის ლიკვიდაციისათვის.

ვარდის ფურცლების მურაბა ერთ-ერთი ყველაზე ძველი და საკმაოდ ცნობილი სამკურნალო საშუალებაა,

ვარდის ფურცლებისგან დამზადებული მურაბა კარგია👇:

* მზისგან გამოწვეული ჩივილების დროს – თავბრუ და ზედმეტი შეცხელება (გიცავთ მზის დარტყმისგან);

* კუჭ-ნაწლავის დაავადებების სამკურნალოდ (მწვავე წყლულების, ყაბზობის, გულძმარვის დროს);

* საუკეთესო საშუალებაა მადის გასაძლიერებლად;

* კარგი საშუალებაა ქალებისათვის, ის ამცირებს გადაჭარბებულ სისხლდენას მენსტრუაციისას;

* აჩქარებს მეტაბოლიზმს;

* კურნავს კანის პრობლემებს, მუწუკებს, ქავილს, აფერხებს დაბერების პროცესს;

* წმენდს პირის ღრუს და მოგაშორებთ უსიამოვნო სუნს;

* საუკეთესო ანტიოქსიდანტია.

ვარდის მურაბის მომზადება საკმაოდ მარტივია: ვარდის ფურცლები მოათავსეთ ქილაში და დაუმატეთ შაქარი (რამდენი გრამი ფურცელიცაა იმდენივე შაქარი) და გააჩერეთ მზეზე 7-8 დღე. შეგიძლიათ მურაბის უშაქროდ მომზადებაც.

სტომატიტის (პირის ღრუს ლორწოვანი გარსის ანთების) დროს: წვრილად დაჭერით 3-4 სადილის კოვზი ვარდის ფურცელი, დაასხით 2 ჩაის ჭიქა მდუღარე წყალი, გააცივეთ და გადაწურეთ. ნაყენი დღეში რამდენჯერმე გამოივლეთ პირში.

ბრონქული ასთმის დროს: აიღეთ 10 სადილის კოვზი ვარდის ფურცელი, 500 გრამი გახეხილი გოგრა, მრავალძარღვას 1 სადილის კოვზი წვრილად დაქუცმაცებული ფოთოლი, 2 სადილის კოვზი თაფლი, 1 ლიტრი მშრალი წითელი ღვინო. აურიეთ ერთმანეთში და შემოდგით ნელ ცეცხლზე. ადუღებას რომ დააპირებს, გადმოდგით (არ აადუღოთ!). მიღებული მასა უნდა მიირთვათ სამი დღის განმავლობაში, თითო სადილის კოვზი დღეში 5-ჯერ, შემდეგ შეისვენოთ.