"გაცვალეთ ეს თქვენი ბიჭი ჩვენს ბიჭებსა და გოგოებზე" - ზელენსკი რუსეთს პუტინის ნათლიმამის უკრაინელ ტყვეებში გაცვლას სთავაზობს
უკრაინის პრეზიდენტმა, ვოლოდიმირ ზელენსკიმ ვიდეომიმართვისას განაცხადა, რომ 12 აპრილს უკრაინის პარლამენტის წევრი, და რუსეთის პრეზიდენტ პუტინის ნათლიმამა ვიქტორ მედვედჩუკი, უკრაინის შეიარაღებული ძალების სამხედროდ შენიღბული, საზღვარგარეთ გაქცევას ცდილობდა, რის შედეგადაც ის დააკავეს.
პრეზიდენტმა რუსეთის ფედერაციას "მათი ბიჭის“ უკრაინელ ტყვეებში გაცვლა შესთავაზა.
"თუ მედვედჩუკმა თავად აირჩია სამხედრო ფორმა, ნიშნავს, რომ ის ექვემდებარება ომის წესებს. ვთავაზობ რუსეთის ფედერაციას: გაცვალეთ ეს თქვენი ბიჭი ჩვენს ბიჭებსა და გოგოებზე, რომლებიც ახლა ტყვეობაში არიან. მნიშვნელოვანია, რომ ჩვენმა სამართალდამცავმა უწყებებმა და სამხედროებმა განიხილონ ეს შესაძლებლობა“, - განაცხადა ზელენსკიმ.
