friday.ge

ალბათ, არცერთი სხვა სტიქია არ ბადებს ისეთ გრძნობებს, როგორსაც ზღვა. ის დაკავშირებულია რომანტიკულ თავგადასავლებთან და სანატრელი შვებულების აურასთან.

ზღვაზე დასვენების შემდეგ ჩამოტანილ ორიგინალურ სუვენირებს შორის ყველაზე პოპულარული და ლამაზი – ნიჟარებია. ისინი ისეთი მრავალფეროვანია ფორმის, შეფერილობისა და ზომის მიხედვით, რომ იშვიათია, ადამიანი გულგრილი დატოვოს.

იქნებ სახლში ზაფხულებისა და შვებულებების ამ ულამაზესი სახსოვრების მთელი კოლექცია დაგიგროვდათ?

მაშინ რატომაც არ უნდა მოაწყოთ ზღვის დღესასწაული? ეს განსაკუთრებით სახალისოა იქნება შემოდგომაზე, როცა უკვე სიგრილეა, დღეც მოკლდება და გინდა ზღვისა და დასვენების შესახებ მოგონებები დიდხანს შემოინახო! მომავალ ზაფხულამდე და შესაბამისად, შვებულებამდე ხომ უჰჰჰჰჰ რამდენი დროა დარჩენილი 😉

რას გულისხმობს ზღვის დღესასწაული?

• სახლის/ეზოს/ვერანდის ზღვის დეტალებით დეკორირებას
• ზღვის თემატიკის სადღესასწაულო მაგიდის სერვირებას
• კერძების მომზადებას, რომლებიც ზღვას გვაგონებს

დავიწყოთ დეკორირებით. ზღვის თემატიკა შეიძლება მოიცავდეს კომპოზიციებს ნიჟარებისგან, ზღვიდან ჩამოტანილი ქვებისგან, ზღვის ვარსკვლავებისა და ქვიშისგან, ზღვასთან დაკავშირებულ ნივთებს; ასევე ნიჟარებით გაფორმებულ კედლის დეკორაციებს, სარკეებისა და ჩარჩოების ნიჟარებით გაფორმების იდეებს.

მოკლედ, ყველასთვის, ვისაც 105 ან თუნდაც 5 ნიჟარა აქვს, და ასევე მათთვისაც, ვისაც უყვარს ასეთი სუვენირები – ჩვენი მეგა-კოლექცია ზღვის თემაზე. აქ ნახავთ უამრავ იდეასა და მაგალითს, რომლებიც თქვენს ინტერიერს ნიჟარების მეშვეობით ორიგინალურ შესახედაობას შესძენს:

დეკორაციები ბაღის, კედლებისა და ჭერისთვის:

დეკორატიული სანთლები სხვადასხვა ფორმისა და ფერის ნიჟარებისა და ზღვის ვარსკვლავების გამოყენებით:

ნიჟარები + მცენარეები:

სხვადასხვა დეკორატიული ელემენტი:

ახლა რაც შეეხება სადღესასწაულო სუფრის სერვირებას ზღვის დღესასწაულისთვის.

იდეების ამ კოლექციაში ჩვენ შევკრიბეთ სადღესასწაულო მაგიდის სერვირების უამრავი მაგალითი. ლურჯი ზღვა და თეთრი ქვიშა, გემები და ბადეები, ზღვის ვარსკვლავები და ნიჟარები, ხის ქერქები და სანთლები ეკო სტილში, რომლებიც შთაგონების წყარო შეიძლება გახდეს. პალიტრა შეხამებით თეთრი-ლურჯი ან ცისფერი-კრემისფერი სულიერი წონასწორობის შექმნაში დაგეხმარებათ. გალერეაში მოყვანილია ფოტოები, რომლებზე გამოსახული დეტალებიც მაგიდის ზღვის სტილში გაფორმების საშუალებას მოგცემთ.

ზღვის მოტივებზე სერვირების იდეების ნაკრები:

კიდევ რამდენიმე იდეა:

და ბოლოს, რა შეიძლება მოამზადოთ? ყველაფერი, რაც ზღვას მოგაგონებთ.

ჩვენი მენიუ ასეთი იქნებოდა:

• თევზის კერძების ნაირსახეობები, მაგალითად, თევზი სპაგეტითა და ბოსტნეულით.

ან რაიმე ეგზოტიკური, მაგალითად რვაფეხა. მიუხედავად ჩემი სიძულვილისა დაკლაკნილ-სლიკინაკანიანი არსებების მიმართ, იძულებითი ჭამის შემდეგ აღმოვაჩინე,  რომ ბატონი რვაფეხა დიდად შესარგი და გემრიელი რამ ბრძანდება.

პლუს ნატურალური წვენები და/ან თეთრი ღვინო – მე ღვინოს უფრო ვემხრობი!

და თუ ჭამის თავი კიდევ გაქვთ, დესერტი – ბანანი ნაყინითა და კარამელით.

ლამაზ და გემრიელ დღესასწაულს გისურვებთ!