ანდრეი კასიანოვი საქართველოს საგარეო საქმეთა სამინისტროში მივა
უკრაინის საქმეთა დროებითი რწმუნებული ანდრეი კასიანოვი საქართველოს საგარეო საქმეთა სამინისტროში მივა.
კასიანოვი საგარეო უწყებაში შეხვედრას უახლოეს წუთებში დაიწყებს.
როგორც კასიანოვმა ჟურნალისტებთან განმარტა, ის დიპლომატიურ უწყებაში მიწვევის საფუძველზე მიდის, სადაც განხილვის მთავარი თემა საქართველოსა და უკრაინის ორმხრივი ურთიერთობები იქნება.
"ჩვენ მივდივართ საქართველოს საგარეო საქმეთა სამინისტროში მიწვევის საფუძველზე. ჩვენ განვიხილავთ საკითხების ფართო სპექტრს საქართველო -უკრაინის ორმხრივ ურთიერთობებთან დაკავშირებით. შეხვედრა გაიმართება საგარეო საქმეთა მინისტრის პირველ მოადგილესთან“, - განაცხადა კასიანოვმა.