"მარჯვნივ თამაზ გინტური - მოკლულია რუსი ოკუპანტების მიერ... მარცხნივ ლევან დოთიაშვილი, გატაცებულია რუსი ოკუპანტების მიერ" - რას წერს ლაშა ბერულავა
ჟურნალისტი ლაშა ბერულავა "ფეისბუქის" გვერდზე აქვეყნებს საოკუპაციო რეჟიმის მიერ მოკლული თამაზ გინტურისა და გატაცებულის, ლევან დოდიაშვილის ფოტოს.
ფოტოზე ისინი ერთად არიან აღბეჭდილნი:
"მარჯვნივ: თამაზ გინტური (მოკლულია რუსი ოკუპანტების მიერ); მარცხნივ: ლევან დოთიაშვილი (გატაცებულია რუსი ოკუპანტების მიერ). კირბალი, 6 ნოემბერი", - წერს ლაშა ბერულავა.
- ცნობისთვის, რუსეთის საოკუპაციო ძალებმა გორის მუნიციპალიტეტის სოფელ კირბალის მიმდებარედ, საქართველოს 1 მოქალაქე მოკლეს, ხოლო ერთი გაიტაცეს. ინფორმაცია ცოტა ხნის წინ სახელმწიფო უსაფრთხობის სამსახურმა გაავრცელა.
"2023 წლის 6 ნოემბერს გორის მუნიციპალიტეტის სოფელ კირბალის მიმდებარედ, ოკუპირებულ ტერიტორიაზე, ადგილობრივი მაცხოვრებლის უკანონოდ დაკავების მცდელობისას რუსეთის საოკუპაციო ძალების მიერ ცეცხლსასროლი იარაღით სროლის შედეგად გარდაიცვალა საქართველოს მოქალაქე და უკანონოდ დაკავებულ იქნა ერთი მოქალაქე.
მიმდინარეობს აქტიური კომუნიკაცია საქართველოს ცენტრალური ხელისუფლების ხელთ არსებული ყველა ინსტრუმენტის გამოყენებით”, - ნათქვამია ინფორმაციაში, რომელსაც სუს-ი ავრცელებს.