სტატისტიკის ეროვნული სამსახური შაქრო კალაშოვის ყოფილ სახლში განთავსდება

სტატისტიკის ეროვნული სამსახური, კოსტავას ქ#68ა-ს ნაცვლად, დაბა წყნეთში, გურამიშვილის ქუჩა #31-ში განთავსდება. ამის შესახებ ”ინტერპრენიუსს” "საქსტატში” განუცხადეს.

როგორც ცნობილია, სტატისტიკის ეროვნული სამსახური ამ დრომდე პეკინის ქ#4-ში მდებარე შენობაშია განთავსებული, თუმცა ფართს უახლოეს დღეებში დატოვებს.

რატომ გადაწყვიტა მთავრობამ "საქსტატის” თბილისის ცენტრიდან დაბა წყნეთში გადატანა, უცნობია.

სტატისტიკის ეროვნული სამსახურის ამჟამინდელი შენობა 12 იანვარს გამართულ აუქციონზე 4 200 000 აშშ დოლარად შპს ”4 პეკინმა” შეიძინა. პეკინის ქუჩის N4-ში მდებარე მრავალსართულიანი საოფისე შენობის ახალი მესაკუთრე შენობაში თანამედროვე ბიზნეს-ცენტრის მოწყობას გეგმავს.

წყნეთში, გურამიშვილის ქუჩა #31-ში ამ დრომდე ელექტროენერგეტიკული სისტემების კომერციული ოპერატორი (ესკო) და ნავთობის სააგენტო იყვნენ განთავსებული. აღნიშნულ მისამართზე რეგისტრირებული საცხოვრებელი სახლი ე.წ კანონიერი ქურდის შაქრო კალაშოვის საკუთრება იყო.

"ინტერპრესნიუსი"