ოზურგეთის რაიონის სოფელ ჭანიეთში მგელი გამოჩნდა. ცხოველი სოფლის ცენტრალურ ნაწილში, საცხოვრებელი სახლების სიახლოვეს შენიშნეს.
"ცხოველი ხუთი მეტრის დისტანციაზე შევნიშნეთ. კოჭლობით გარბოდა, პირით კი, სავარაუდოდ, ძვლიანი ხორცის ნაგლეჯი ეკავა. ალბათ, სადღაც დაჭრეს ან ფეხი დაუზიანდა", - აცხადებენ თვითმხილველები.
რამდენიმე დღის წინ მგელი ოზურგეთის რაიონის სოფელ მაკვანეთშიც შენიშნეს.