საქართველოში ბენტლი ოფიციალურად შემოდის!

სულ მალე თბილისში კიდევ ერთი მდიდრული საავტომობილო ბრენდის შოურუმი და სერვის-ცენტრი გაიხსნება - ლუქს-კლასის ავტომობილების წარმოების ერთ-ერთი უდიდესი ფლაგმანი, ბრიტანული ”ბენტლი” საქართველოში ოფიციალურად შემოდის!

AUTO BILD-ის ინფორმაციით, ”ბენტლის” შოურუმი თბილისში 24 ნოემბერს, აღმაშენებლის ხეივნის მე-10 კილომეტრზე გაიხსნება. პირველივე დღიდან ”ბენტლის” შოურუმში წარმოდგენილი იქნება ისეთი განსაკუთრებული მოდელები, როგორებიცაა Bentley Continental GT, Bentley Flying Spur და Bentley Bentayga (W12 ძრავით).

”ბენტლის” სერვის-ცენტრი მომხმარებელს, როგორც სადიაგნოსტიკო, ასევე მექანიკური თვალსაზრისით მომსახურების სრულ პაკეტს შესთავაზებს.

”ბენტლის” ოფიციალური წარმომადგენელი საქართველოში ”ომეგა ჯგუფი” გახდა - კომპანია, რომელიც საქართველოში

უკვე წარმოადგენს ისეთ საავტობილო ბრენდებს, როგორებიცაა BMW, ”მინი კუპერი”, ”მაზერატი”, ”შევროლე” და ”ოპელი”.

იხილეთ დეტალური ინფორმაცია ფოტოგალერეაში
რომელი მოდელები იქნება წარმოდგენილი
ბენტლის თბილისის ცენტრში?

უოლტერ ოუენ ბენტლიმ ავტომობილების წარმოება 1919 წელს დაიწყო.

მისი სარბოლო ავტომობილები სამაგალითო იყო - 20-იან წლებში ”ბენტლი” ლე მანის რბოლებს ლეგენდარული შესაძლებლობებით იგებდა. 1931 წელს ”ბენტლი” გაკოტრდა და ”როლს-როისმა” შეისყიდა. მომდევნო 67 წლის განმავლობაში ”ბენტლის” მოდელების უმეტესობა ”როლს-როისების” იდენტური იყო, თუმცა კომპლექტაცია და შედარებით მოკრძალებული ცხაურა ”ბენტლის” სპორტულ წარმოშობას და სპორტულობისკენ მიდრეკილებას გამოხატავდა.

1998 წელს ”ფოლკსვაგენის” კონცერნმა ”როლს-როისი” და, შესაბამისად, ”ბენტლიც” იყიდა,

რის შემდეგაც თავიდან მანამდე შემუშავებულ მოდელებს (Arnage, Azure და Brooklands) აწარმოებდა. 2000 წლიდან ”როლს-როისი” BMW-ს კონცერნის მფლობელობაში გადავიდა, ”ბენტლი” კი ”ფოლკსვაგენის” კონცერნში დარჩა.

2003 წელს, Continental GT-ს სახით, ”ფოლკსვაგენის” კონცერნში შემუშავებული პირველი ”ბენტლი” გამოვიდა, რომელიც VW Phaeton-ის ტექნიკურ პლატფორმაზე შეიქმნა. დღეისათვის Continental GT-ს ძრავებია 4,0-ლიტრიანი V8-Biturbo 507 ცხენის ძალით და ვერსია GT Speed, რომელსაც 6,0-ლიტრიანი W12-Biturbo და 625 ცხენის ძალა აქვს. იდენტურადაა მოტორიზებული Continental GTC და GT-ს კაბრიო-ვერსია.

კლასიკური სედანების მოყვარულთათვის ”ბენტლის” Mulsanne ჰყავს - ეს არის ერთადერთი ახალი ”ბენტლი”, რომლის მაქსიმალური სისწრაფე 300 კმ/სთ-ზე ნაკლებია (296 კმ/სთ). განსაკუთრებით კომფორტულია მოდელი Flying Spur, რომელიც Continental Speed-ის W12 ძრავითაა აღჭურვილი.

რაც შეეხება ”ბენტლის” პირველ ქროსოვერ ”ბენტაიგას” – AUTO BILD-ის ერთგული მკითხველები მას კარგად იცნობთ, მაგრამ მაინც: აი, როგორი ავტომობილია და როგორ დადის ის - იხილეთ სტატია: ყველაფერი ”ბენტლი ბენტაიგას” შესახებ.

იხილეთ დეტალური ინფორმაცია ფოტოგალერეაში
რომელი მოდელები იქნება წარმოდგენილი
ბენტლის თბილისის ცენტრში?

ასევე დაგაინტერესებთ:
ბენტლი SUV-კლასის მწვერვალზე - გაიცანით ბენტაიგა