დასავლურ პრესაში მესამე თაობის BMW X6-ის პირველი ოფიციალური ფოტოები გავრცელდა. პირველი, რაც თვალში საცემია, ეს მისი კიდევ უფრო მასიური გრილი და მეტი აგრესიულობაა. აქვეა ზომაში გაზრდილი ჰაერჭრილები, ბამპერები და დაწვრილებული თვალები.

უკანა ნაწილში კი ვხედავთ  კომპანიის ახალ ხელწერას: სკულპტურირებულ მაშუქებს, როგორსაც ვხვდებით  8-Series-ში, ახალ ბამპერს, სპორტულ დიფუზორსა და ინტეგრირებულ სპოილერს, გვერდებში კი, უკანა ნაწილში - არკებს ბორბლებთან.



ინტერიერის ფოტოები არ გავრცელებულა, თუმცა სავარაუდოდ, ის X5-ის ანალოგიური იქნება მთელი თავისი ტექნოლოგიებითურთ. ასევე X5-თან ანალოგებს უნდა ველოდოთ ძრავების ნაწილშიც.

სხვა დამატებითი ინფორმაცია ავტომობილზე ამ დროისთვის არ ვრცელდება.