ახლა კი, კერძოდ ჟენევის ავტოშოუზე, რომელიც 5-დან 15 მარტამდე ჩატარდება, ავტოინდუსტრიაში ერთი უდიდესი ერა დასრულდება - „ბუგატი ვეირონის“ ერას ვგულისხმობთ. ერა, რომელიც მოიცავს 300 საოცნებო კუპეს, 150 გრანდიოზულ კაბრიოლეტსა და არაერთ ისეთ ზონდერმოდელს, როგორიცაა მაგალითად ექსკლუზიური ვერსია „Les Légendes de Bugatti“, რომლის ფასი 2,13-დან
„ფოლკსვაგენის“ კონცერნს ჯამში 450 „ბუგატის“ გაყიდვამ 800 მილიონ ევროზე მეტი შემოსავალი მოუტანა - ანუ, 450 „ბუგატიმ“ მოიტანა ის, რასაც მინიმუმ 45 325 „ფოლკსვაგენ გოლფის“ გაყიდვა სჭირდება. მინიმუმს იმიტომ ვამბობთ, რომ „გოლფის“ საწყისი ფასი 17 650 ევროა.
მართალია, „ფოლკსვაგენის“ კონცერნმა „ბუგატის“ გაყიდვებით მოგება მაინც ვერ ნახა, მაგრამ ეს არც იყო მოსალოდნელი - ამ სუპერ-ბრენდს „ფოლკსვაგენის“ კონცერნისთვის პირველ რიგში საიმიჯო დატვირთვა ჰქონდა. 2005 წელს, Veyron 16.4-ის წარდგენისას, „ბუგატის“ იმჟამინდელი შეფი თომას ბშერი ამბობდა კიდეც, ეს ავტომობილი კონცერნისთვის პირველ რიგში პრესტიჟის საქმეაო. მაშინ „ბუგატი“ მხოლოდ 300 ეგზემპლარის წარმოებას გეგმავდა.
შეგახსენებთ, რომ „ფოლკსვაგენის“ კონცერნმა „ბუგატი“ 1998 წელს გადაიბირა და ამაში ლომის წვლილი მიუძღვის VW-ს დირექტორთა საბჭოს თავმდჯომატე ფერდინანდ პიოხს.
ფირმის დამაარსებელი ეტორე ბუგატი მე-20 საუკუნის 30-იან წლებში
თავად მარკა „ბუგატი“ კი 1909 წელს იტალიელმა ეტორე ბუგატიმ დაარსა და მარკამ ძალიან სწრაფად მოიხვეჭა პოპულარობა. მას მერე სიტყვა „ბუგატი“ სრულყოფილ საავტომობილო ტექნიკასთან და ესთერიკურ დიზაინთან ასოცირდება. სწორედ ეს იყო „ფოლკსვაგენის“ კონცერნის მოტივაცია 2005 წელს, როცა წარმოადგინეს Veyron 16.4, რომელსაც 16-ცილინდრიანი ძრავა და 1001-ცხენისძალიანი სიმძლავრე ჰქონდა, საწყისი ფასი კი 1,2 მილიონი ევრო გახლდათ. მანამდე არ არსებობდა სხვა მანქანა, რომელიც ამ მოდელს დიზაინით ან სიმძლავრით შეედარებოდა.
კაცი, რომელმაც „ბუგატი“ მსოფლიოს გააცნო: ფრანგი მრბოლელი Louis Chiron
Bugatti 57SC Atlantic (1936-1938)
Bugatti Typ 51 (1931 - 1934)
Bugatti Type 41 Royale (1926 - 1933)
ასეთი იქნება "ვეირონის" შემცვლელი Bugatti Chiron
იმ ფაქტს, რომ ეს სპორტული ავტომობილი სულ სხვა ლიგაში თამაშობს, თუნდაც მისი რეკორდები დაადასტურებს. 2013 წლის აპრილიდან Grand Sport Vitesse მსოფლიოში ყველაზე სწრაფი სერიული როდსტერია (408,84 კმ/სთ). 2010 წელს Veyron 16.4 Super Sport-მა 431,072 კმ/სთ განავითარა და მსოფლიოში ყველაზე სწრაფი სერიული ავტომობილის ტიტული მოიპოვა.
ამრიგად, 10-წლიანი მოღვაწეობის შემდეგ „ვეირონის“ ერა მთავრდება, მაგრამ არ მთავრდება თავად ლეგენდა, რომელსაც „ბუგატი“ ჰქვია: მას ახალი Bugatti Chiron შეცვლის.