”ბენტლის” მდიდრული SUV, რომელსაც მთელი ავტოსამყარო მოუთმენლად ელოდება, მსოფლიოში ყველაზე სწრაფი სერიული SUV იქნება! Bentley Bentayga, რომლის ოფიციალური პრემიერა ფრანკფურტის ავტოშოუზე შედგება, მინიმუმ 300 კმ/სთ-ს განავითარებს - ბრიტანელები ირწმუნებიან, რომ მეტიც შეეძლება. ეს კი იმას ნიშნავს, რომ ”ბენტლის” ეს მდიდრული ”გემი” სერიულ SUV-ებში ყველაზე სწრაფი იქნება.



შედარებისთვის: BMW X5 M-ის მაქსიმალური სიჩქარე 275 კმ/სთ-ია, Porsche Cayenne Turbo S მაქსიმუმ 284 კმ/სთ-ს ახერხებს, Bentley Bentayga კი მაქსიმალური სისწრაფის კრიტერიუმში ორივეს აჯობებს. ეს ავტომობილი 2016 წლიდან გაიყიდება და მისი ასეთი სისწრაფის მთავარი მიზეზი სრულიად განახლებული, 12-ცილინდრიანი, 6 ლიტრი მოცულობის მქონე ძრავაა. ამ აგრეგატის სიმძლავრე 600 ცხენის ძალა გახლავთ, ბრუნის მაქსიმალური მომენტი კი 800 ნმ. Bentayga 100 კმ/სთ-მდე 5 წამში უნდა აჩქარდეს. 80 კმ/სთ-მდე მაქსიმალური კლირენსით ივლის, 160 კმ/სთ-დან კლირენსი ავტომატურად დაიწევს, მერე კი, 240 კმ/სთ-ის შემდეგ კიდევ შემცირდება.



Bentley Bentayga-მ ტექნიკის დიდი ნაწილი Audi Q7-სგან მიიღო. Bentayga-ს სავარაუდო მინიმალური ფასი 200 000 ევროა.

იხილეთ ვიდეოები:





ასევე დაგაინტერესებთ:
გიორგი ქინქლაძე და მისი ბენტლი