ცოტა ხნით 1940 წელში გადავინაცვლოთ: სანამ აშშ მეორე მსოფლიო ომში ჩაერთვებოდა, ამერიკულ არმიას, რა თქმა უნდა, დასჭირდა პატარა ყველგანმავალი. კონკურსი კი Willys MB-მ
დავბრუნდეთ 2015-ში და შევხვდეთ იმ ლეგენდარული Willys-ის ლეგიტიმურ შვილთაშვილს. ამერიკულ ავტომობილებს შორის ერთ-ერთი ყველაზე ამერიკულით დიდი გამოწვევების წინაშე ვდგავართ - მაგრამ ვიცით, რომ Wrangler 100-პროცენტიანი ყველგანმავალია და არ გვეშინია. ვინც ამ მანქანაში მასაჟორ სავარძლებსა და ყველა მხრიდან პარკირების ასისტენტებს ელოდება, მწარედ შემცდარა. ამ მანქანას პირველ რიგში 27-სანტიმეტრიანი კლირენსი უნდა მოუწონო და შესაბამისი გამავლობა - მივა იქ, სადაც ჩვეულებრივი SUV-ები წაიფორხილებენ.
სრული ამძრაობა? იმედია, ხუმრობთ. დიფერენციალის ბლოკირება? რა თქმა უნდა! ზეთის ავზი და ტრანსმისია ფოლადითაა დაცული. Wrangler ძალიან რობუსტულია და გამავლობის ისეთი ნიჭი აქვს, ბარე ორს რომ შეშურდება.
აი, სწორ და კარგ გზაზე კი ამ რობუსტულობის ნაკლოვანებებიც ვლინდება - აბა როგორ გვინდა?! ხისტი ღერძი, ანუ გაუჭრელი ხიდი ასეთ დროს თავისას შვრება, ხოლო 5-საფეხურიანი ავტომატიკა კი, 2,8-ლიტრიანი ძრავის 200-ცხენისძალიან სიმძლავრეს დროდადრო დაგვიანებით იყენებს. ეს ლოგიკურიცაა და კიდევ ერთხელ მიგვახვედრებს, რომ Wrangler-ის სტიქია უგზოობაა და არა ავტობანი.
კომპლექტაცია მარტივია. სამაგიეროდ, სივრცის ნაკლებობას არ ვუჩივით - ოღონდ, ეს 4-კარიანი Unlimited ვერსიის შემთხვევაში, რომელიც არცისე იაფია (სადღაც 40 000 ევრომდე), აი, საბაზო ფასი კი დაახლოებით 32 000 ევროა.
ეს ჯიპი ნამდვილი კოვბოია. ყველგანმავალი და სანდო მეგობარია. კომფორტი და სიმძლავრე საკმარისი აქვს. მეტი არც სჭირდება.
იხილეთ ვიდეო:
ასევე დაგაინტერესებთ:
მონსტრი ჯიპები ამერიკიდან (+ ფოტოგალერეა)
სრული სვლით ცუდ გზებზე - Jeep Cherokee Trailhawk
ჯიპი ყოველი შემთხვევისთვის
გრანდიოზული გრანდი