”ავტოვაზმა” 5-კარიანი ”ნივის” ახალი ვერსია წარმოადგინა. მართალია, ”ნივას” ახლა სხვა სახელი აქვს, კერძოდ Lada 4x4, მაგრამ მაინც ყველა ”ნივად” მოიხსენიებს. ეს კი 5-კარიანი მოდელის ახალი, როგორც რუსები უწოდებენ, განსაკუთრებული ვერსიაა - Lada 4x4 Urban. ტერმინში Urban ის იგულისხმება, რომ ეს ”ნივა” საქალაქო ვერსიაა. რუსეთში ამ ავტომობილის ფასი დაახლოებით 8 500 დოლარია.



როგორც ”ავტოვაზში” აცხადებენ, ”ნივის” Urban-ვერსიები ქალაქში სტანდარტულ ვერსიაზე კომფორტულია. პრაქტიკაში ეს იმას ნიშნავს, რომ ავტომობილს გაუმჯობესებული აქვს ვიბრო და ხმაურ-იზოლაცია, აღჭურვილია 16-დუიმიანი დისკებით და უფრო კომფორტული სავარძლებით. გარდა ამისა, ”ნივის” Urban-ვერსიას საბაზო კომპლექტაციაში მოყვება კონდიციონერი, ელ. შუშები და ელ. სარკეები გათბობის ფუნქციით.



სხვამხრივ, 5-კარიანი Urban სტანდარტული ვერსიისგან არაფრით განსხვავდება. მასაც 1,7-ლიტრიანი ძრავა აქვს - 83 ცხენის ძალით და 129-ნიუტონმეტრიანი ბრუნის მომენტით. გადაცემათა კოლოფი კი კვლავ 5-საფეხურიანი მექანიკაა. რა თქმა უნდა, ადგილზეა სრული ამძრაობაც და კარგი გამავლობისთვის საჭირო ყველა ფუნქცია, რაც სტანდარტულ ”ნივასაც” (პარდონ, Lada 4x4-ს) აქვს.

ასევე იხილეთ:
რუსული პატარა ”ტანკი” და ნივა - შეხვედრა მთაში


ასევე იხილეთ:
რუსეთი VS ამერიკა - 2015 წლის ავტოგაყიდვებით


რუსული სუპერქარი? მხოლოდ სიზმარში!


უცნობი რუსული ავტომობილები


რუსული ტიუნინგის

”მარგალიტები”


რას წერენ გერმანელები ახალ ნივაზე


ახალი რუსული მანქანა: რის მაქნისია ეს ლადა?


როგორი მანქანები უყვარს პუტინს?


ქალი და მანქანა საბჭოთა კავშირში


რუსი გოგონები ცუდი გზების წინააღმდეგ (+ VIDEO)