ახალი სახალხო ჯიპი იტალიური გენებით

გაიცანით Jeep Compass-ისა და Patriot-ის შემცვლელი: ახალი მოდელი 2017 წლიდან, ახალი დიზაინით და იტალიური გენებით გამოდის.

6-წლიანი მოღვაწეობის შემდეგ, ”ჯიპმა” თავისი ცნობილი მოდელის, ”კომპასის” და მისი ძმის, ”პატრიოტის” სერიოზულად განახლება გადაწყვიტა და აი, თქვენ წინაშეა მეორე თაობის ”კომპასი”, რომელიც 2017 წლიდან გამოდის. ახალი მოდელი პრინციპში, წაგრძელებული Renegade გახლავთ - ახალი ქუდით და ინტერიერით. და რაკი Renegade Fiat 500X-ის პლატფორმაზეა აწყობილი, ”კომპასის” მეორე თაობასაც იტალიური გენები აქვს.

Auto Bild

მცირელიტრაჟიანი ძრავები 6-საფეხურიან მექანიკურ გადაცემათა კოლოფთან ერთადაა ხელმისაწვდომი და ასეთი ეგზემპლარები წინა ამძრავით იქნება

წარმოდგენილი, მძლავრი 4-ცილინდრიანების არჩევის შემთხვევაში კი - სრულ ამძრაობას და 9-საფეხურიან ავტომატიკას მიიღებთ. პირველ ეტაპზე ყველაზე მძლავრი Jeep Compass 2.2 MultiJet იქნება - 200-ცხენისძალიანი სიმძლავრითა და 440-ნიუტონმეტრიანი მაბრუნი მომენტით. საერთო ჯამში, ხელმისაწვდომი იქნება 17 სხვადასხვა კომბინაცია. ევროპაში ახალი Jeep Compass 2017 წლის მეორე ნახევარში გამოჩნდება და ცხადია, ამ ავტომობილს Jeep-ის თბილისის ცენტრშიც ველოდებით.

Auto Bild