ყველაფერი, საბურავების გარდა - სწორედ ამ დევიზით დაიწყო საბურავების მწარმოებელმა ”პირელიმ” კალენდრის გამოშვება, რომელსაც უდიდესი ისტორია და ტრადიციები აქვს.
ყველაფერი მსუბუქად ჩაცმული, ან სულაც შიშველი ქალების ფოტოებით დაიწყო და ცნობილი მოდელების ეროტიკული ფოტოებით გაგრძელდა. მონიკა ბელუჩით დაწყებული, ვიდრე ნიკოლ კიდმანამდე - ”პირელის” კალენდრის ფოტოსესიებში არაერთმა ცნობილმა ქალბატონმა მიიღო მონაწილეობა (
იხილეთ სტატია - პირელის კალენდრის ისტორია).
უკვე 45 წელია, რაც „პირელი“ ამ ორიგინალურ კალენდრებს უშვებს. გამონკლისი არც ახალი კალენდარი იქნება, მაგრამ ”შიშველი ან თითქმის შიშველი ქალების” თემა ამოწურულია. ახალი კალენდრის თემაა: „ალისა
საოცრებათა ქვეყანაში“. ახალი კალენდარი იმითაცაა გამორჩეული, რომ მის პერსონაჟებს მხოლოდ მუქკანიანი მოდელები ასრულებენ. და მათ შორის, კინოვარსკვლავები და მამაკაცებიც არიან.
მაგალითად, მარტის გვერდზე კურდღელს ნახავთ, რომლის როლშიც ამერიკელი მსახიობი საშა ლეინია, ჰერცოგის მეუღლეს კი ვუპი გოლდბეგრი ასრულებს. თაგვ სონიაში კი, კინომოყვარულები კენიელ ოსკაროსან მსახიობ ლუპინა ნიონგოს ამოიცნობენ. ჯალათებად ნაომი კემპბელი და რეპერი შონ „დიდი“ კომბსი მოგვევლინენ...
დაათვალიერეთ ”პირელის” ძველი კალენდრების საუკეთესო ფოტოები