ბუგატი შირონმა ახალი მსოფლიო რეკორდი დაამყარა!

”ბუგატის” უკანასკნელმა მოდელმა, ”შირონმა” თავისი პირველი მსოფლიო რეკორდი დაამყარა. არა, სარეკორდო სისწრაფე (ჯერ) არ განუვითარებია, მაგრამ სამაგიეროდ, გრანდიოზული აჩქარებითა და დამუხრუჭებით გაგვაოცა.

ბევრი რომ არ ვილაპარაკოთ, ”ბუგატი შირონმა” 400 კმ/სთ-მდე აჩქარებას და შემდეგ გაჩერებას 41,96 წამი მოანდომა. აღსანიშნავია, რომ საჭესთან ცნობილი კოლუმბიელი მრბოლელი, ფორმულა 1-ის ყოფილი პილოტი ხუან-პაბლო მონტოია იჯდა.

რეკორდული გაფრენისთვის 3112-მეტრიანი გზა იყო საჭირო. აღსანიშნავია, რომ ”შირონი” 400 კმ/სთ-მდე 32,6 წამში აჩქარდა და ამისათვის 2621 მეტრი დასჭირდა, მერე კი 9,3 წამში დაამუხრუჭა (491 მეტრი).

გარდა ამისა, მონტოიამ მოგვიანებით

პირადი რეკორდიც დაამყარა, როცა ”ბუგატის” 1500-ცხენისძალიანი ჰიპერ-ავტომობილით 420 კმ/სთ განავითარა. ადრე კოლუმბიელს ასეთი სისწრაფე არასდროს განუვითარებია. მისი ყოფილი პირადი რეკორდი 407 კმ/სთ გახლდათ - IndyCar-ის ბოლიდით.

აქვე ვთქვათ, რომ ”ბუგატი შირონი” სისწრაფის რეკორდის დამხობას მოგვიანებით ეცდება. ექსპერტები ვარაუდობენ, რომ ის 440-450 კმ/სთ-ს განავითარებს.

იხილეთ ვიდეო
ვიდეო: როგორ დაამყარა ბუგატი შირონმა
ახალი მსოფლიო რეკორდი