იმ დროს, როცა “ნივა” ადგილიდან 100 კმ/სთ-მდე 20 წამში ჩქარდება, “ბენტლის” იმავე სისწრაფის ასაკრეფად 4,8 წამი სჭირდება - ანუ, მინიმუმ 4-ჯერ სწრაფია. “ნივა” გერმანიაში დაახლოებით 11 000 ევრო ღირს, “ბენტლი ბენტაიგას” ფასი კი, 22-დუიმიანი დისკებით, ხელით შეკერილი ტყავის საჭითა და უკან მსხდომი მგზავრების ტაბლეტებით,
რუსულ ყველგანმავალში დღესაც 70-იანი წლების სუნი დგას. ღილაკები, ჩამრთველები, ბერკეტები - ყველაფერი არქაულია. 1977 წელს, როცა პირველი “ნივა” გამოვიდა, უსაფრთხოების ბალიშები, ანუ, “აირბაგები” არ არსებობდა. შესაბამისად, 2017 წელს გამოშვებულ მოდელსაც არ აქვს. სამაგიეროდ, აქვს მუდმივი სრული ამძრაობა - ბლოკირებით, სარიგებელი კოლოფით (“რაზდატკა”), დამადაბლებელი გადაცემით და ამ ყველაფრით, ურთულეს უგზოობაზე გადაადგილებაც შეუძლია.
რადიო? კი აქვს, მაგრამ ვის რაში ჭირდება ეგ შენი რადიო? გადაცემათა კოლოფი ხომ ყველა საფეხურზე სხვადასხვანაირად “მღერის”. “ნივის” მართვა იმდენად ძველმოდური და არქაულია, რომ შეიძლება სიამოვნებაც მიიღო. როგორც კი სისწრაფე 135 კმ/სთ-ს მიაღწევს, 1,7 ლიტრი მოცულობის 4-ცილინდრიანი ძრავა ძალიან ხმაურობს, ვიბრირებს და ყვირის: “ნიეტ, ნიეტ, ნიეტ”! ანუ, არანაირი ავტობანიო.
- რას იტყვის “ბენტლის” გამყიდველი იაფფასიან “ლადაზე”?
“ბილდის” ჟურნალისტმა “ნივა” “ბენტლის” შოურუმის წინ დააყენა. ბრიტანული ბრენდის გაყიდვების მენეჯერი კარსტენ მაიერი რუსულ ავტომობილში ჯდება. კულტურული შოკი? “არა, რატომ? სულ “ბენტლის” მოდელებთან კი არ მქონდა საქმე, “ფოლკსვაგენ ხოჭოში” გავიზარდე. იაფფასიანი მანქანაა და ეს ყველაფერი გასაგებია, თუმცა, რა თქმა უნდა, რაღაც-რაღაცების უკეთ გაკეთება მაინც შეიძლებოდა,” - ამბობს მაიერი.
ახლა “ბენტლიში” გადავინაცვლოთ. “ბენტაიგაში” საუკეთესო ტყავის და ხის მასალაა გამოყენებული. ინტერიერში ლორდებისთვის შესაფერისი გარემოა. სტარტის ღილაკით დიზელის 8-ცილინდრიანი აგრეგატი იღვიძებს, რომელსაც 435 ცხენის ძალა აქვს. “ბენტაიგას” 270 კმ/სთ-ის განვითარება შეუძლია. “ბენტლიში” ელექტრონიკის მთელი კასკადია - ყველაფერს ასისტენტ-სისტემები არეგულირებენ.
- და რას იტყვის “ლადას” გამყიდველი “ბენტლის” შესახებ?
მარტინ კიოსერი “ლადას” ბერლინის ცენტრში მუშაობს, რომელიც ზედ აღმოსავლეთ ბერლინის საზღვარზე მდებარეობს. მარტინი 200 000-ევროიან ბენტლის ინტერიერს ეფერება: “ყოველ მილიმეტრზე იგრძნობა ხარისხი და დეტალებისადმი სიყვარული!”
ამ შედარების გამარჯვებული უდავოდ კლიენტია, რომელიც 20 “ნივას” ერთ “ბენტლის” ამჯობინებს. ან პირიქით...
წყარო: გაზეთი "ბილდი"
ასევე დაგაინტერესებთ:
ნივა VS ლენდ როვერ დეფენდერი - ციფრების დუელი
ასევე დაგაინტერესებთ:
ნივა 40 წლისაა! ხუმრობის გარეშე:
რუსებმა ზონდერ-მოდელი შექმნეს!
ასეთი პობედა ჯერ არ გინახავთ
საბჭოთა კავშირის საავტომობილო სიმბოლო
ასევე იხილეთ:
როგორი იქნება ახალი ვოლგა?
ჩავიხედოთ სტალინის ლიმუზინში,
რომელიც ოთხი ბუგატის ფასად იყიდება
რატომ ყიდიან ამ ნივას 85 000 დოლარად?
რუსებმა УАЗ ”ბუხანკის” ინტერიერი 52 წლის შემდეგ პირველად განაახლეს
ვიდეო: პუტინმა УАЗ-ის კარი ვერ გააღო,
რუს გენერალს კი სახელური ხელში შერჩა...
ახალი УАЗ-ის ხარისხი (+ VIDEO)
ასევე იხილეთ:
ძველი ვოლგის ტიუნინგი - განსაკუთრებული ვერსიები
საბჭოთა მანქანები და ქუთაისური კოლხიდა სულ სხვა სტილში
ასევე დაგაინტერესებთ:
ვაზ 2101-ის ხუთი ტყუპისცალი,
რომლებსაც შესაძლოა არ იცნობდით