Enoti

Tamnei

E kaeman Enoti

E anga te bwaatua Iakoba nakon natina te mwaane ae Enoti. E koroboki Enoti i aona n aron tuangana mai iroun Iakobwa. N te bong teuana, ao e kaeman Enoti n te buakonikai. E uringa ana reirei tamana i aon taekan te Uea. E a tia n reirei Iakobwa nakon Enoti bwa ngkana e iriira te Uea ao e na bon reke irouna te kimwareirei.

Iakoba 7:27; Enoti 1:2–3

Tamnei

E tataro Enoti ni katoa bong

E tangiria Enoti ni kan karekea te kimwareirei are eaki toki n tataekinna tamana. E baireia bwa e na tataro nakon te Uea. E tataro man te ngaina ni karokoa tea bong.

Enoti 1:3–4

Tamnei

E tararake Enoti

E tua te Uea nakon Enoti bwa a kabwaraaki ana bure. E namakina te kimwareirei Enoti. E kakabwaiaki Enoti ibukin ana onimaki iroun Iesu Kristo.

Enoti 1:3, 5–8

Tamnei

Enoti ngke e tataro n te tairaki

E tangiria Enoti bwa na namakina naba te kukurei Nibwaite. E waaki nako n tataro. E bubutia te Uea ibukiia Nibwaite bwa a na namakina naba te kimwareirei are I a tia n namakinna.

Enoti 1:9

Tamnei

E mata ni kukurei Enoti

E tua te Uea nakon Enoti bwa E na bon mena irarikiia Nibwaite ngkana a kawakin Ana tua nako. Ngke e ongo aei Enoti, ao e rikirake riki ni korakora ana onimaki iroun te Uea.

Enoti 1:10–11

Tamnei

E koroboki Enoti i aon Bwaatua Koora

E a manga tataro riki Enoti. E butiia te Uea bwa e na kakabwaiaia tenaan Reimwanaite ao ma ni kamanoi raoi koroboki ake i aon bwaatua. E tangiria bwa a na wareware Reimwanaite n taian bwaatua ao ni kakoaua te Uea. Te Uea e berita nakon Enoti bwa n te bong teuana ao a na wareware iai Reimwanaite.

Enoti 1:11–17