ხშირად ჩნდება კითხვა, კონკრეტულად რომელი ჯიში შეიძლება ვაჩუქოთ ბავშვს, რომელიც დიდი ხანია შინაური ცხოველის ყოლას ითხოვს.  

სპეციალისტები გვთავაზობენ ძაღლების საუკეთესო ჯიშებს, რომლებსაც განსაკუთრებული ურთიერთობა შეუძლიათ ადამიანთან და შეგვიძლია თამამად ვაჩუქოთ პატარას. 

კავალერ კინგ ჩარლზ სპანიელი 



ამ ჯიშის ძაღლებს სხვებთან შედარებით, ნაკლებად უყვართ მოძრაობა, სირბილი, ხტომა და დავალებების შესრულება. სამაგიეროდ, სიწყნარესა და სიმშვიდეში დასვენება სიამოვნებთ. 

ფრანგული ბულდოგი



უყვართ თამაში და თავიანთი ლოიალური, მოსიყვარულე ბუნებით ნამდვილ კომპანიონებს წარმოადგენენ ადამიანებისათვის. ძაღლის ეს ჯიში ჭკვიანი, მტკიცე და ჯიუტი ხასიათით გამოირჩევა. 

ინგლისური კოკერ-სპანიელი 



გასაოცრად გრძნობს ადამიანის განწყობასა და სურვილებს. კოკერ-სპანიელი შესანიშნავი მეგობარი იქნება განსაკუთრებული მოთხოვნების მქონე ბავშვებისთვის.

კოლი

ნამდვილად „ოჯახის“ ძაღლია. ის მარტივად პოულობს პატარა ბავშვებთან საერთო ენას. ინტელექტუალური კოლი ბავშვისთვის საიმედო დამცველი და ერთგული მეგობარი გახდება.

პუდელი  

საუკეთესო გამოსავალია, მაშინ როდესაც სახლში ალერგიული ადამიანი ცხოვრობს. სასიამოვნო გარეგნობასთან ერთად, ამ ძაღლებს უყვართ თამაში, მარტივად ადაპტირდებიან გარემოსთან და აღმერთებენ ბავშვებს.

ბიგლი 

განსაკუთრებით უყვართ ბავშვებს. ის კეთილი, გულუბრყვილო ძაღლია. უყვარს თამაში და ბავშვებთან ურთიერთობა.

ოქროსფერი რეტრივერი

ძაღლის ეს ჯიში ბავშვის ყველაზე ერთგული მეგობარი გახდება, რომელიც ბავშვს ნებისმიერ საკითხში დაუჭერს მხარს- დაისვენებს სიჩუმის საათის დროს და მისი პატარა მეპატრონის სიმშვიდეს დაიცავს, ირბენს და ითამაშებს პატარას გასართობად სეირნობისას.