მშობლის ფრაზები, რომლებიც პირველკლასელებს სკოლასთან ადაპტაციაში დაეხმარება
12-03-2018
დაკოპირებულია
-
+
სკოლისა და სწავლის სიყვარულზე დიდ გავლენას ის პირველი ნაბიჯები და სიტყვები ახდენს, რომლებსაც ბავშვები მშობლებთან ერთად სკოლისაკენ მიმავალ გზაზე გადიან. მშობლებო, გთავაზობთ ფრაზებს, რომლებიც თქვენს შვილებს სკოლასთან ადაპტაციაში დაეხმარება:
შენ გაქვს შეცდომის უფლება
უთხარით, რომ შეიძლება არასწორად გასცეს პასუხი გაკვეთილზე დასმულ კითხვას, მაგრამ ეს შემეცნების პროცესია, სადაც შეცდომებზე სწავლობენ.
შენი ნიჭიერება გაღვივდება
ბავშვებს ჯანსაღი თვითშეფასება და სწავლის სურვილი უყალიბდებათ, როდესაც რაღაც კარგად გამოსდით და საკუთარ შესაძლებლობებს გრძნობენ.
სხვების დახმარებას შეძლებ და ისინიც გვერდით დაგიდგებიან შენ
ამ გზით მოსწავლე უკეთ აცნობიერებს რომ კლასის ნაწილია.
შენ ახალი მიღწევები გელოდება
მნიშვნელოვანია, ბავშვმა მშობლისგან მოისმინოს, რომ მთავარი საზომი ნიშანი არ არის, რომ უფრო ღირებული მისი გონებრივი თუ ფიზიკური განვითარებაა - მიღწევები სასკოლო კომუნიკაციაში, ხატვასა და სპორტში.
გაიცნობ ხალხს და ახალ მეგობრებს გაიჩენ
თუ თქვენს შვილს კომუნიკაცია უძნელდება, ურთიერთობების დადებითი მხარეები დაანახეთ, უთხარით, რომ ახალ სამეგობროს დადებითი ემოციების გაღვივება შეუძლია. ეტაპობრივად, იმედგაცრუებისა და წყენისთვისაც შეამზადეთ.
ეს შენი პირველი ნაბიჯია ზრდასრულ სამყაროში
ბავშვისთვის მნიშვნელოვანია, თავს დიდად გრძნობდეს. უთხარით, რომ სკოლა საჭირო ეტაპია უფროსთა სამყაროში მოსახვედრად.
გაიგებ, ვინ გახდები მომავალში
აუხსენით პირველკლასელს, რომ სწავლის პროცესში ბევრ ნიჭსა და ინტერესს აღმოაჩენს საკუთარ თავში, რაც სამომავლო პროფესიის არჩევაში დაეხმარება.
ბევრ საინტერესო ადგილს ნახავ და დაუვიწყარ ისტორიებს მოისმენ
ბავშვები ძალიან ცნობისმოყვარეები არიან და დიდი ემოციებით ელიან საინტერესო ექსკურსიებს, თავგადასავლებსა და ახალ ისტორიებს.
მასწავლებლების ემოციები ხშირად მოსწავლეებზეა დამოკიდებული. მაგალითად, პედაგოგები, რომლებიც თავიანთი მოსწავლეებით ამაყობენ, შეიძლება მეტად თავდაჯერებულები, აჟიტირებულები, აქტიურები იყვნენ
მასწავლებლების ემოციები ხშირად მოსწავლეებზეა დამოკიდებული. მაგალითად, პედაგოგები, რომლებიც თავიანთი მოსწავლეებით ამაყობენ, შეიძლება მეტად თავდაჯერებულები, აჟიტირებულები, აქტიურები იყვნენ