თელავის მუნიციპალიტეტის სოფელ ვანთის საჯარო სკოლის მე-8 კლასის მოსწავლეებმა 14 აპრილის, დედაენის დღის აღსანიშნავად, ქართული ენისა და ლიტერატურის პედაგოგის დახმარებით, შესწავლილი ლიტერატურული ნაწარმოებების მიხედვით კომიქსები შექმნეს.

მოსწავლეებმა შექმნილი კომიქსების შესახებ პრეზენტაცია გამართეს. აღსანიშნავია, რომ აქტივობაში მოსწავლეები დიდი ხალისით ჩაერთნენ.

14 აპრილს, საქართველოში დედაენის დღე აღინიშნება. ეს დღე 1990 წელს, 1978 წლის 14 აპრილის მოვლენების აღსანიშნავად, დაწესდა. 

1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების თანახმად, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა.

საბჭოთა კავშირის ხელისუფლებამ გააცნობიერა‚ რომ მხოლოდ ორი გამოსავალი იყო - სისხლისღვრა ან დათმობა და მოსკოვი იძულებული შეიქმნა დაეთმო. ამ მოვლენების გამო 14 აპრილი არაოფიციალურად დედაენის დღედ გამოცხადდა.

იხილეთ ფოტოები: