აჭარაში ლურჯი მოცვის ნერგების სამრეწველო ბაღების გაშენება დაიწყო. პროექტს აჭარის სოფლის მეურნეობის სამინისტო 2020 წლის ქვეპროგრამის “მაღალეფექტური მრავალწლიანი სასოფლო-სამეურნეო კულტურების წარმოების განვითარების ხელშეწყობის” მიზნით ახორციელებს.
აღნიშნული ქვეპროგრამით ისარგებლებენ რეგიონის ხუთივე მუნიციპალიტეტისა და ქალაქ ბათუმს შემოერთებული ტერიტორიაზე მცხოვრები ფერმერები და აგრომეწარმეები. სულ ქვეპროგრამის ფარგლებში 15 ჰა-ფართობზე გაშენდება 50 000 ძირი ლურჯი მოცვის ნერგი.
"საექსპორტო ბაზრებზე ლურჯი მოცვი, დღეს ყველაზე მოთხოვნადი პროდუქტია. აქედან გამომდინარე 2020 წელს აღნიშნული ქვეპროგრამა ითვალისწინებს, ფერმერებზე 100%-იანი დაფინანსებით კენკროვანი კულტურების ბაღების გაშენებას, თავისი მულჩფირით, მრავალწლოვანი კულტურების გაშენების გზით, აჭარაში მოხდება არსებული სასოფლო-სამეურნეო მიწების ეფექტიანი გამოყენება, რაც ხელს შეუწყობს იმპორტირებული პროდუქციის ქართული პროდუქციით ჩანაცვლებას, გაიზრდება ექსპორტი, გაუმჯობესდება სოფლად მოსახლეობის სოციალურ-ეკონომიკური მდგომარეობა", - განაცახადა აჭარის სოფლის მეურენობის მინისტრმა გიორგი სურმანიძემ.
