ყველაზე უხვთოვლიანი ზამთარი თბილისში 1992-1993 წლებში იყო. როგორც "ინტერპრესნიუსს" გარემოს ეროვნული სააგენტოს მოკლევადიანი პროგნოზირების განყოფილების უფროსმა დოდო გვაზავამ განუცხადა , ყველაზე ცივი ზამთარი თბილისში 1912, 1920, 1929, 1969, 1972 და 1976 წლებში დაფიქსირდა, რომლის დროსაც ჰაერის ტემპერატურა _14 გრადუსამდე დაეცა, ხოლო გორში _20 გრადუსი ყინვა იყო.

თბილისში მტკვარი 1949-1950 წლებში გაიყინა. მცხეთაში კი 1972 წელს მტკვარზე ყინულის სისქემ 40 სანტიმეტრი შეადგინა.

ისევე როგორც წელს, თბილისის ზღვა 1949-1950 წლებშიც გაყინულა. ყინულის საფარით წელს ლისის და კუს ტბებიც დაიფარა.