საქართველოში დღეს, დედის დღე აღინიშნება. დედის დღედ 3 მარტი 1991 წელს, ქვეყნის მაშინდელმა პრეზიდენტმა, ზვიად გამსახურდიამ გამოაცხადა. პრეზიდენტის ეს გადაწყვეტილება საქართველოს უზენაესმა საბჭომ დაამტკიცა. მას შემდეგ 3 მარტი ოფიციალურად უქმედ არის გამოცხადებული.

დედის დღედ 3 მარტის გამოცხადების შემდეგ ვარაუდობდნენ, რომ ეს დღე 8 მარტს – ქალთა საერთაშორისო დღეს შეცვლიდა, თუმცა დღემდე, ორივე თარიღი აღინიშნება.

"დედის დღეს" მსოფილოს სხვადასხვა კუთხეში სხვადასხვა დროს აღნიშნავენ. ისტორიულად ვარაუდობენ, რომ ეს დღე სათავეს იღებს ძველი ბერძნული დღესასწაულიდან, რომელიც ღმერთების მშობელ დედას, სიბელას ეძღვნებოდა. ასევე, რომაელები "შობადობის" ქალღმერთის, იუნონას დღესასწაულს აღნიშნავდნენ.