აშშ უკრაინას მხარდაჭერას გაუწევს და არასოდეს მიატოვებს, - განაცხადა უკრაინის საკითხზე აშშ-ს სახელმწიფო დეპარტამენტის სპეციალურმა წარმომადგენელმა კურტ ვოლკერმა.

„აშშ მხარს უჭერს უკრაინას. თქვენი პარტნიორები ვართ რეფორმების გატარების საკითხში. რეფორმებს თქვენ განსაზღვრავთ და თქვენვე ატარებთ, ჩვენ თქვენს გვერდით ვიქნებით, როგორც არჩევნების დროს, ასევე არჩევნების შემდეგ, მიუხედავად შედეგებისა“, - განაცხადა კურტ ვოლკერმა.

აშშ-ს სახელმწიფო დეპარტამენტის სპეციალურმა წარმომადგენელმა ხაზგასმით აღნიშნა, რომ უკრაინაში საპრეზიდენტო და საპარლამენტო არჩევნები სუფთად და გამჭვირვალედ უნდა ჩატარდეს.