მახინჯაურში სატრანსპორტო მოძრაობა სრულად პარალიზებულია. უხვი ნალექის გამო, ბათუმის მთავარი შესასვლელი ჩაკეტილია.

მახინჯაურში შპს "ბათუმის წყლის" თანამშრომლები იმყოფებიან, რომლებიც შემთხვევის ადგილზე სანიაღვრე ჭებისა და არხების გაწმენდით სამუშაოებს ახორციელებენ.

ავტომობილებში მსხდომი მოქალაქეები აცხადებენ, რომ თითქმის ერთი საათია საცობში არიან.

შეგახსენებთ, რომ ბათუმში ამ დროისათვის ძლიერი წვიმაა. ნალექის გამო, ცენტრალური ქუჩები და საცხოვრებელი სახლების სარდაფები დაიტბორა. საგანგებო სიტუაციების მართვის სამსახურში კი 20-მდე შეტყობინება შევიდა