მარიუპოლი ერთ დღეში 11 000-მა ადამიანმა დატოვა
უკრაინის ალყაშემორტყმული ქალაქი, მარიუპოლი ზაპოროჟიეს გავლით გასული დღის განმავლობაში 11 000-მა ადამიანმა დატოვა, - ამის შესახებ ქალაქის საკრებულოს „ტელეგრამის“ არხზე გამოქვეყნებულ ინფორმაციაში აღნიშნული.
ავტობუსებს, რომლითაც მოქალაქეების ევაკუაცია განახორციელეს, მართლმადიდებელი მღვდლები ახლდნენ თან.
ამასთან, ოფიციალური პირების ცნობით, ჰუმანიტარული კოლონა, რომელმაც მარიუპოლში დახმარება უნდა შეიტანოს და ცარიელი ავტობუსები ადამიანების ევაკუაციისთვის, კვლავ დაბლოკილია რუსული ძალების მიერ.
