რადიო GIPA ხევსურეთის აჯანყების 100 წლისთავისადმი მიღძვნილ გადაცემების ციკლს აანონსებს.

გადაცემის ავტორი/წამყვანი, რეჟისორი და დოკუმენტალისტი, დავით გურგულია იქნება.

რადიო GIPA-ს ინფორმაციით, დღევანდელი გეოპოლიტიკური ვითარების გათვალისწინებით, კიდევ უფრო მნიშვნელოვანია, ამ მოვლენების ფართო აუდიტორიისთვის მიწოდება და მისი ისტორიული მნიშვნელობის გააზრება.

„1922 წლის ხევსურეთის აჯანყების შემდეგ 100 წელი გავიდა. ზუსტად 100 წლის წინ, აგვისტოში ქაქუცა ჩოლოყაშვილი და მისი თანამებრძოლები „შეფიცულები“ ხევსურეთში ავიდნენ და თავისუფლებისათვის ბრძოლა დაიწყეს. მათი რაზმი, ერთ თვეზე მეტი იგერიებდა წითელ არმიას. აჯანყებაში მონაწილეობას იღებდნენ ეროვნული გმირები: კოტე აფხაზი, მიხა ხელაშვილი, ლევან რაზიკაშვილი, თომა ბალიაური, ალექსანდრე სულხანიშვილი და მრავალი სხვა“, - აღნიშნულია ინფორმაციაში.