ღია წყაროებზე დაყრდნობით, BBC-მ უკრაინის ომში დაღუპული 12 200-ზე მეტი რუსი ჯარისკაცის იდენტიფიცირება მოახერხა, მათ შორის - 800 მობილიზებულია.
„ჩვენ ვეყრდნობით მხოლოდ დადასტურებულ გარდაცვალების ცნობებს, ამიტომ შეგროვებული მონაცემები არ ასახავს მსხვერპლის რეალურ დონეს. ჩვენ ვვარაუდობთ, რომ ჩვენი სია შეიძლება შეიცავდეს მინიმუმ 40-60%-ით ნაკლებ დაღუპულთა სახელებს, ვიდრე რეალურად დაკრძალეს რუსეთში.
ამ დასკვნამდე მივედით რუსეთის 60-ზე მეტ დასახლებაში არსებული სასაფლაოების მდგომარეობის შესწავლით. ამიტომ, ყველაზე კონსერვატიული შეფასებით, უკრაინაში შეჭრის დროს, რუსეთს შეეძლო დაეკარგა 24 000-ზე მეტი ადამიანი“, - წერს BBC-ი.
მედიასაშუალების ინფორმაციით, რუსეთის ჯამური გამოუსწორებელი დანაკარგები (ანუ იმათი რიცხვი, ვინც ტრავმირებულია, გარდაცვლილია ან დაკარგულია) შეიძლება იყოს მინიმუმ 110 000 ადამიანი.