ყავისფერი ფეხსაცმელი, რომელიც მრავალი წლის განმავლობაში მივიწყებული იყო, კვლავ იბრუნებს დიდებას! 2020 წლის შემოდგომის ტრენდი, სწორედ აღნიშნული ფერის ფეხსაცმელია.
ფორმისა და სტილის მრავალფეროვნებიდან გამომდინარე, შესაძლოა მათ შერჩევასა და მორგებაში შეცდომები დაუშვათ. ამიტომ, მოგცემთ რამდენიმე რჩევას, რომელთა გათვალისწინების შემთხვევაშიც, შეძლებთ იდეალური ლუქების შექმნას.
მაღალი ქუსლი
შედარებით თბილი ამინდები, სავარუდოდ, კიდევ ერთ თვეს გასტანს. ამიტომ, სრულებით თავისუფლად შეგიძლიათ მაღალქუსლიანი ყავისფერი ფეხსაცმლის ყიდვა. დიზაინერებმა იმდენად საინტერესო მოდელების შექმნა შეძლეს, რომ ყველაზე სკეპტიკურად განწყობილი ქალის გაოცებასაც კი შეძლებენ.
მსგავსი ფეხსაცმლის მორგება შეგიძლიათ ულტრამოდურ ე.წ. შლაქსებთან და მიდი–ქვედაბოლოებთან ერთად. ასევე, ამ ტიპის ფეხსაცმელი იდეალურად შეეხამება ლეოპარდის პრინტის პალტოს, რომლის გარეშეც 2020 წლის შემოდგომას უკან ვერ მოიტოვებთ.
„შუზები“
შემოდგომის გარედერობი სრულყოფილი ვერ იქნება რამდენიმე წყვილი „შუზის“ გარეშე. ამ შემთხვევაში როგორც აღვნიშნეთ, უმჯობესია აქცნტი ყავისფერზე გააკეთოთ. გამოვყოფთ ორ საკვანძო ტენდენციას: „კაზაკები“ და „შუზები“ მომრგვალებული ცხვირით და სქელი ქუსლით. ორივე მათგანი იდეალურად შეეხამება ჯინსის შარვლებს.
ოქსფორდები და ლოფერები
ფეხსაცმელი მამაკაცური სტილით იმდენად პოპულარულია, რომ სეზონი ოქსფორდებისა და ლოფერების გარეშე წარმოუდგენელიც კი გახდა. ამ სტილის ყავისფერი ფეხსაცმელი, იდეალურად შეეხამება როგორც შარვლებს, ასევე კაბებსაც.
მაღალყელიანი ფეხსაცმელი და ჩელსი
მსგავსი სტილის ფეხსაცმელი იდეალურია როგორც შემოდგომის სეზონისთვის, ასევე ზამთრისთვისაც. ამიტომ ფერთან მიმართებით მიღებულ რეკომენდაციებს თუ გაითვალისწინებთ, სტილის არჩევანში სრულებით თავისუფალი ხართ, რადგან დიზაინერები არც თუ ისე მნიშვნელოვან შეზღუდვებს აწესებენ აღნიშნულთან მიმართებით.
მასალის გამოყენების პირობები