კვრინჩხი
NPLG Wiki Dictionaries გვერდიდან
კვრინჩხი - (Prunus spinosa L.); ოჯახი: ვარდისებრნი (Rosaceae). ძლიერ დატოტვილი, ხშირეკლიანი ბუჩქი ან ხეა. ნორჩი ყლორტები მოკლებეწვიანია ან შიშველი. ფოთლები ელიფსურია ან უკუკვერცხისებური, 2-5 სმ სიგრძის. ყვავილები თეთრია, თითო-თითოდ ან ორ-ორად განლაგებული. ჯამის ფოთლები მხოლოდ კიდეებზეა წამწამებიანი; ყვავილის ყუნწები სწორად მდგომია ანდა გადახრილი. ყვ. ნაყ. III-IV. იზრდება დაბლობიდან ტყის შუა სარტყელში, ტყის პირას, ბუჩქნარებში, მდინარეთა ხეობების გასწვრივ. კახეთში ამ მცენარის ნახვა შესაძლებელია ყველგან. მცენარე გავრცელებულია მთელ საქართველოში.
