"ვის შეუძლია ამ ბიჭების სერიოზულად მიღება?" - ვიოლა ფონ კრამონი ირაკლი კობახიძეს პასუხობს
"ვის შეუძლია ამ ბიჭების სერიოზულად მიღება? ძალიან სამწუხაროა ამის ყურება" - ევროპარლამენტარი ვიოლა ფონ კრამონი "ქართული ოცნების" თავმჯდომარის, ირაკლი კობახიძის განცხადებას "ტვიტერში“ ეხმაურება
"ქართული ოცნების" თავმჯდომარე ირაკლი კობახიძემ საქართველოს "პირველი არხის" გადაცემაში "დღის თემა" სტუმრობისას განაცხადა, რომ ვიოლა ფონ კრამონზე საერთოდ არ შეიძლება სერიოზული განცხადების გაკეთება და ამისთვის ბევრი მიზეზი აქვს.
შეგახსენებთ, ვიოლა ფონ კრამონმა განაცხადა, რომ "ქართული ოცნების" მხრიდან ბოლო დღეების განმავლობაში მისი და სხვა ევროპელი კოლეგების წინააღმდეგ გამოთქმული ბრალდებები რუსულ პროპაგანდას უტოლდება. "ქართული ოცნების" თავმჯდომარემ კი ვიოლა ფონ კრამონს შეუთვალა, რომ ის კრიმინალების მფარველია.