ჟურნალისტი ქეთი ბერძენიშვილი გარდაიცვალა
ხანგრძლივი ავადმყოფობის შედეგად ჟურნალისტი ქეთი ბერძენიშვილი გარდაიცვალა. ის მკურნალობას ჯერ თბილისში გადიოდა, თუმცა მისი მდგომარეობა დამძიმდა და რამდენიმე დღის წინ თბილისიდან სტამბოლში გადაიყვანეს.
მიუხედავად მედიკოსების მცდელობისა მისი გადარჩენა ვერ მოხერხდა. როგორც ცნობილია, ჟურნალისტმა წლების წინ სიმსივნე დაამარცხა, თუმცა შემდეგ კვლავ შეექმნა ჯანმრთელობის პრობლემები.
ქეთი ბერძენიშვილი რამდენიმე ათეული წელი ეწეოდა ჟურნალისტურ საქმიანობას, იყო რადიო "ძველი ქალაქის" ერთ-ერთი დამფუძნებელი, ასევე სამოქალაქო აქტივისტი.
Palitravideo მწუხარებას გამოთქვამს ქეთი ბერძენიშვილის გარდაცვალების გამო და სამძიმრს უცხადებს მის ოჯახს, ახლობლებსა და კოლეგებს.