პაპა ფრანსისკე ღაზაში ცეცხლის შეწყვეტის მოწოდებით გამოდის

კათოლიკური სამყაროს სულიერმა ლიდერმა და ვატიკანის პრეზიდენტმა პაპა ფრანცისკემ, კიდევ ერთხელ გაიმეორა მოთხოვნა ღაზაში ცეცხლის დაუყოვნებლივ შეწყვეტის შესახებ.

რომის პაპმა, რომელიც ოთხშაბათს ვატიკანის წმინდა პეტრეს მოედანზე ტრადიციულ საყოველთაო მიღებას ატარებს, ღაზაში განვითარებული მოვლენების შესახებ შეფასებები გააკეთა.

რომის პაპმა განაცხადა, რომ სამართლიანობის გარეშე მშვიდობა არ იქნება და დაამატა: „სამწუხარო მოვლენები გრძელდება ახლო აღმოსავლეთში. მე ვიმეორებ ჩემს მტკიცე მოთხოვნას ღაზას სექტორში ცეცხლის დაუყოვნებლივ შეწყვეტის შესახებ. ასევე ღრმად ვწუხვარ მოხალისეების მკვლელობის გამო, რომლებიც ჰუმანიტარულ დახმარებას ავრცელებენ ღაზაში. ასევე მოვუწოდებ ყველას დაუშვან ტანჯული მოსახლეობისთვის ჰუმანიტარულ დახმარებაზე წვდომა და მძევლები რაც შეიძლება მალე გათავისუფლდნენ. მოდით, ავიცილოთ თავიდან ნებისმიერი ქცევა, რომელიც გააღრმავებს კონფლიქტს რეგიონში. მოდით, ვიმუშაოთ და ვილოცოთ, რომ ეს და მსგავსი ომები, რომლებიც განაგრძობენ სიკვდილს და ტანჯვას მსოფლიოს მრავალ კუთხეში, რაც შეიძლება მალე დასრულდეს“.