სამხრეთკორეელი ნახევარმცველი ჯი სუნ პარკი, რომელიც ბოლო დრომდე “მანჩესტერ იუნაიტედში” გამოდიოდა, კარიერას “ქუინზ პარკ რეინჯერსში” გააგრძელებს. ამის შესახებ ВВС იუწყება.
31 წლის ფეხბურთელმა ახალ კლუბთან პირადი კონტრაქტის დეტალები უკვე შეათანხმა. აზიელის ტრანსფერი ქპრ-ს 5 მილიონი გირვანქა სტერლინგი დაუჯდება. გასულ სეზონში ჯი სუნ პარკმა მანჩესტერულ კლუბში 28 მატჩი ჩაატარა და 3 გოლი გაიტანა. 2000-2011 წლებში მან სამხრეთ კორეის ნაკრებში 100-ჯერ ითამაშა და მეტოქის კარი 13-ჯერ აიღო.